Jos 12 | NyaCCL | STEP | Aisraeli anagonjetsa dziko lonse la kummawa kwa Yorodani, kuyambira ku chigwa cha Arinoni mpaka ku phiri la Herimoni pamodzi ndi dera lonse la kummawa kwa Araba. Iwo anatenga dzikoli kukhala lawo, ndipo mafumu a dzikoli anali awa:

Joshua 12

Mayina a Mafumu Ogonjetsedwa

1 Aisraeli anagonjetsa dziko lonse la kummawa kwa Yorodani, kuyambira ku chigwa cha Arinoni mpaka ku phiri la Herimoni pamodzi ndi dera lonse la kummawa kwa Araba. Iwo anatenga dzikoli kukhala lawo, ndipo mafumu a dzikoli anali awa:

2 Sihoni mfumu ya Aamori,

amene ankakhala mu Hesiboni. Iye analamulira kuyambira ku Aroeri mzinda umene uli mʼmphepete mwa mtsinje wa Arinoni, mpaka ku mtsinje wa Yaboki, umene uli mʼmalire mwa Aamori, kuphatikizanso theka la dziko la Giliyadi. 3 Iye ankalamuliranso dera la chigwa cha Yorodani kuyambira ku Nyanja ya Kinereti, kummawa ndi kumatsika mpaka ku Beti-Yesimoti, mzinda umene unali kummawa kwa Nyanja ya Mchere ndi kutsikabe kummwera mpaka pa tsinde pa phiri la Pisiga.

4 Ogi mfumu ya mzinda wa Basani,

amene anali mmodzi mwa otsala mwa Arefaimu. Iye ankakhala ku Asiteroti ndi Ederi. 5 Dera la ufumu wake linafika ku phiri la Herimoni, ku Saleka ndi dziko lonse la Basani mpaka ku malire ndi anthu a ku Gesuri Makati. Ufumu wake unaphatikizanso theka la Giliyadi mpaka ku malire a mfumu Sihoni ya ku Hesiboni.

6 Mose mtumiki wa Yehova ndi Aisraeli anawagonjetsa ndipo anapereka dziko lawo kwa anthu a fuko la Rubeni, fuko la Gadi ndi theka la fuko la Manase kuti chikhale cholowa chawo.

7 Yoswa ndi Aisraeli onse anagonjetsa mafumu onse okhala kumadzulo kwa mtsinje wa Yorodani kuyambira ku Baala-Gadi, ku chigwa cha Lebanoni mpaka ku phiri la Halaki, kumapita cha ku Seiri. Yoswa anagawira dzikolo mafuko a Israeli kuti likhale cholowa chawo.

8 ^{▼▼In order to format the table contained in this verse correctly, it has been necessary to move the content of some adjacent verses into it.}Dziko limeneli linali dera la ku mapiri, chigwa cha kumadzulo, chigwa cha Yorodani, ku matsitso a kummawa, ndi dziko la chipululu la kummwera. Amene ankakhala mʼdzikoli anali Ahiti, Aamori, Akanaani, Aperezi, Ahivi ndi Ayebusi. Mafumu ake anali awa:

⁹mfumu ya Yeriko	imodzi
mfumu ya Ai (kufupi ndi Beteli	imodzi
¹⁰mfumu ya Yerusalemu	imodzi
mfumu ya Hebroni	imodzi
¹¹mfumu ya Yarimuti	imodzi
mfumu ya Lakisi	imodzi
¹²mfumu ya Egiloni	imodzi
mfumu ya Gezeri	imodzi
¹³mfumu ya Debri	imodzi
mfumu ya Gederi	imodzi
¹⁴mfumu ya Horima	imodzi
mfumu ya Aradi	imodzi
¹⁵mfumu ya Libina	imodzi
mfumu ya Adulamu	imodzi
¹⁶mfumu ya Makeda	imodzi
mfumu ya Beteli	imodzi
¹⁷mfumu ya Tapuwa	imodzi
mfumu ya Heferi	imodzi
¹⁸mfumu ya Afeki	imodzi
mfumu ya Lasaroni	imodzi
¹⁹mfumu ya Madoni	imodzi
mfumu ya Hazori	imodzi
²⁰mfumu ya Simuroni Meroni	imodzi
mfumu ya Akisafu	imodzi
²¹mfumu ya Taanaki	imodzi
mfumu ya Megido	imodzi
²²mfumu ya Kadesi	imodzi
mfumu ya Yokineamu ku Karimeli	imodzi
²³mfumu ya Dori ku Nafoti Dori	imodzi
mfumu ya Goyini ku Giligala	imodzi
²⁴mfumu ya Tiriza	imodzi
	mafumu onse pamodzi analipo 31.